.jpg)
मारेगाव तालुक्यातील वनपरिक्षेत्र कार्यालयामार्फत झालेल्या भ्रष्टाचाराची तसेच भ्रष्टाचार करणाऱ्या वनपरिक्षेत्र अधिकारी शंकर हटकर यांची मारेगाव तालुक्यातील पत्रकार सचिन मेश्राम यांनी माहिती अधिकार अंतर्गत माहिती मागितलेली होती. परंतु सदर अधिकाऱ्याने माहिती न देता माहिती अधिकाराच्या अर्जालाच केराची टोपली दाखवली त्यामुळे पत्रकाराने लोक आयुक्त यांच्याकडे तक्रार केली असून वनपरिक्षेत्र अधिकारी शंकर हटकर सह वनपाल वनरक्षक कर्मचारी यांना निलंबित करण्यात यावे अशी मागणी केली आहे.
मारेगाव तालुक्यातील वनपरिक्षेत्र कार्यालयामार्फत मारेगाव, बोटोनी, खंडणी, वडकी, राळेगाव राऊंडमध्ये राज्य वार्षिक योजना,जिल्हा वार्षिक योजना अंतर्गत वेगवेगळी कामे केली गेली. ही कामे प्रत्यक्ष मजुरांच्या हाताने केली जातात.तसेच मजुरांच्याच नावाने पैसे सुद्धा काढले जातात. परंतु यामध्ये मोठ्या प्रमाणात भ्रष्टाचार करण्यात आलेला आहे. यामध्ये प्रत्यक्ष कामावर कमी मजूर लावून जास्त मजुरांचे नावाने पैसे काढल्या गेले. तसेच हे पैसे काढताना जे मजूर कामावर होते त्यांच्या नावाने न काढता जे मजूर कामावर नाहीत, काही राजकीय पक्षाचे पदाधिकारी तसेच कार्यालयीन कर्मचाऱ्यांच्या नातेवाईकांच्या नावाने सुद्धा पैसे काढल्या गेले.यात मोठ्या प्रमाणात भ्रष्टाचार करण्यात आला.
या झालेल्या भ्रष्टाचाराची माहिती अधिकार अधिनियम 2005 अंतर्गत पत्रकार सचिन मेश्राम यांनी माहिती मागितलेली होती. परंतु माहिती मागूनही चार ते पाच महिन्याचा कालावधी लोटला तरीही वनपरिक्षेत्र अधिकारी श्री. शंकर हटकर यांनी ही माहिती दिलेली नाही. उलट माहिती अधिकाराच्या अर्जालाच केराची टोपली दाखवली. त्यामुळे माहिती अधिकाराचा दुरुपयोग करणाऱ्या अधिकाऱ्यांचे विरोधात सचिन मेश्राम यांनी लोक आयुक्त यांचे कडेच या वनपरिक्षेत्र अधिकाऱ्यांची तक्रार केलेली आहे.
.jpg)
